Epigrama anônimo com breve descrição dos 12 trabalhos de Héracles.
Ele faz parte do Livro 16, que contém epigramas coletados por Planudes e que não estão no ms. palatino. Edição
utilizada: Paton 1918, 208.
ΑΔΗΛΟΝ
[Ἡρακλέους ἆθλοι]
πρῶτα μὲν ἐν Νεμέῃ βριαρὸν κατέπεφνε λέοντα·
δεύτερον, ἐν Λέρνῃ πολυαύχενον ὤλεσεν ὕδραν·
τὸ τρίτον αὖτ᾽ ἐπὶ τοῖς Ἐρυμάνθιον ἔκτανε κάπρον·
χρυσόκερων ἔλαφον μετὰ ταῦτ᾽ ἤγρευσε, τέταρτον·
5
πέμπτον δ᾽, ὄρνιθας Στυμφαλίδας ἐξεδίωξεν·
ἕκτον, Ἀμαζονίδος κόμισε ζωστῆρα φαεινόν·
ἕβδομον, Αὐγείου πολλὴν κόπρον ἐξεκάθηρεν·
ὄγδοον, ἐκ Κρήτηθε πυρίπνοον ἤλασε ταῦρον·
εἴνατον, ἐκ Θρῄκης Διομήδεος ἤγαγεν ἵππους·
10
Γηρυόνου, δέκατον, βόας ἤγαγεν ἐξ Ἐρυθείης·
Κέρβερον, ἑνδέκατον, κύν᾽ ἀνήγαγεν ἐξ Ἀίδαο·
δωδέκατον, ἐκόμισσεν ἐς Ἑλλάδα χρύσεα μῆλα·
τὸ τρισκαιδέκατον, τοῖον λυγρὸν ἔσχεν ἄεθλον
μουνονυχὶ πεντήκοντα ξυνελέξατο κούραις.